గీ. పలుకు చున్నావు చిత్రమౌ - ప్రతిమలందు
కులుకు చున్నావు నాట్యకోమలులనడుమ
తళుకు గొన్నావు రమ్య దేవళములందు
తేజ ముప్పొంగ శ్రీకృష్ణ దేవరాయ!
గీ. ఎందు నున్నాడవోగాని - ఎట్టయెదుట
నున్నవాని చందంబు, నేడున్నవాఁడ
వౌర! నీ శిల్పికళల, మహాద్భుతంబు
తెలియగా నౌనె? శ్రీకృష్ణ దేవరాయ!
గీ. సంస్కృతాంబను దరిజేర్చి - సలలితముగ
కన్నడ, వధూటిఁబ్రేమించి - గారవమున
ద్రావిడాంగన, ముద్దాడి, రక్తి మెఱయ
ఆంధ్ర రమణిని పరిణయ - మందినావు
గీ. దేశ బాసలందు - తెలుగు తేట గ్రహించి
తెలుగు వెన్నఁదిన్న - దేవరాయ!
చవులెఱింగి, కవిత - సారంబు గొంటివి
కృష్ణదేవుడీవె - కృష్ణరాయ!
- కల్లూరు అహోబలరావు.
కామెంట్‌లు లేవు:
కామెంట్‌ను పోస్ట్ చేయండి