ఇప్పుడు కథాజగత్ వెబ్‌సైట్ రూపంలో!!!

కథాజగత్ పేరుతో నేను నడుపుతున్న బ్లాగు గురించి తురుపుముక్క పాఠకులకు తెలుసు. ఆ బ్లాగులో వస్తున్న కథల వివరాలు ఎప్పటికప్పుడు తురుపుముక్కలో తెలియజేస్తున్న సంగతి విదితమే. ఈ కథాజగత్ బ్లాగులో ఉన్న ఇబ్బందులను అధిగమించడానికి ఇప్పుడు దానిని పూర్తిస్థాయి వెబ్‌సైటుగా మార్చాను. ఇప్పుడు కథాజగత్‌ను ఈ చిరునామాలో దర్శించవచ్చు. http://www.kathajagat.com

ఈ వెబ్‌సైటును ప్రముఖ రచయిత్రి అబ్బూరి ఛాయాదేవిగారు లాంఛనంగా ప్రారంభించారు. హైదరాబాదు లోని బాగ్‌లింగంపల్లి లోని వారి ఇంట్లో ఈ రోజు అంటే 04-10-2009న సాయంత్రం 4.30గంటలకు ఈ వెబ్‌సైటును ప్రారంభించారు. ఈ కార్యక్రమంలో నాతో పాటుగా మిత్రులు కొల్లూరి సోమశంకర్, తంగిరాల చక్రవర్తి, గురజాడ అప్పారావు, సత్య భాస్కర్, జి.ఎస్.రామకృష్ణ, వూసల రజనీ గంగాధర్ పాల్గొన్నారు. ఆ సమావేశం తాలూకు ఫోటోలు కొన్ని.