మా అమ్మాయి ఏదో కావాలని అంటే వెతకడానికి పాత ట్రంకు పెట్టె తెరిచాను. అందులో అనుకోకుండా పొడుపుకథలు అనే పుస్తకం కనిపించింది. చల్లా రాధాకృష్ణ శర్మ గారు సంకలనం చేయగా పబ్లికేషన్ డివిజన్ వారు ప్రచురించారీ పుస్తకాన్ని. ఆరేడేళ్ళ క్రితం పిల్లల కోసం బుక్ ఎక్జిబిషన్‌లో కొన్నట్టున్నాను ఈ పుస్తకాన్ని. చాలా ఇంట్రెస్టింగ్‌గా చదివించిన ఈ పుస్తకాన్ని ఇంతవరకూ చదవకుండా ఎలా మిస్అయ్యానబ్బా! పొడుపు కథలూ వాటి జవాబులూ చదువుతూ ఉంటే చాలా సంతోషం వేసింది. కొన్ని మీతో పంచుకోవాలని అనిపించింది. కానీ ఈ పొడుపు కథలు చాలా మందికి తెలిసే వుంటుందనే అనుమానం. ఈ పొడుపు కథల్లో చివరి పొడుపు కథ ఒకటి పద్య రూపంలో ఉంది. (అంటే అదొకటే పద్యరూపంలో ఉందని కాదు.180నుండి 205 సంఖ్య గల పొడుపులు పద్యాల్లో ఉన్నాయి.) ఎవరో ఒక నెరజాణ ఈ పొడుపు కథను పొడిచినట్లుంది. దీని జవాబుమాత్రం ఈ పుస్తకంలో లేదు. మీకెవరికైనా తెలిసి ఉంటే దయచేసి చెప్పండి. జవాబు నాకూ తెలియదు.
సిరియు వృక్షంబు ధనపతి పరిమళంబు
ననలు డగురయు నుపవనం బసియు నావ;
అందు మూడేసి వర్ణంబు లమరు, శబ్ద
మధ్య మాక్షర పంక్తి నా మగని పేరు.
3 కామెంట్‌లు:
ఎవరండీ ఈ అనిలగురుడు
ఊకదంపుడు గారూ!
ఇన్నాళ్లకు ఈ టపా వైపు ఒక్కరైనా చూసారు. సంతోషం.
అనిల గురుడు కాదండీ.
అనలుడు అగురయును అని విడదీసి చందవండి.
మురళి మోహన్ గారు.
మీరు ఇంకో మెలికె వేశారే..
ఐతే అనలుడి గురువు కాదా...
అగురయును అంటే - లైటు తీసుకోబడ్డది అని అర్ధమా
కామెంట్‌ను పోస్ట్ చేయండి