కనుక్కోండి చూద్దాం!

ఈ క్రింద పేర్కొన్న కవితా వాక్యాలు ఏ కావ్యం లోనిది? ఎవరు వ్రాశారు? దేని గురించి చెబుతున్నారు?

నాగ కన్యక లిచట

          కనపడరు కాని,

నాగుబాములు చక చక

          సాగు నిచట;

గరుడ గంధర్వ కామినుల్

          కానవడరు గాని,

బొంత గద్దలు

          గుంపు గట్టు నిచట!

ఏలాలతాజాల డోలిక లిట లేవు,

          తిప్పతీగెల తలతిక్కెగాని,

తరుణ ప్రవాళ లతా కుంజములు లేవు,

          రేణిగంపల పొదరిండ్లెగాని;

లలి లవంగ కుడుంగ లాలిత్యములు లేవు,

          తుమ్ముతోపుల ముండ్లదొరులె గాని;

నారికేళాది వనాంతరస్థలి లేదు,

          చిట్టీత డొంకల చేటెగాని;

ఇట గులాబీలు

          తలసూప వెపుడు; వట్టి

తంగెడుల్ బోద గడ్డిగాదములె

          పెరుగు;

సరస సుకుమార తృణ

          సమాచ్చదము లేదు,

పాడు పల్లెరుగాయల

          బీడెగాని!