...

...

2, జనవరి 2011, ఆదివారం

క్రాస్‌వర్డు పజిలు సాల్వుము - 36

ఆధారాలు:
1. సుప్రసన్న,సంపత్కుమార,పేర్వారం,నరసింహారెడ్డిల ఆలోచన చేత చుట్టబడినది.(6)
3. పాతబస్తీలోని ఈ ప్రాంతంలో కాళీపట్నం మేష్టారుని వెదకండి.(4)
5. హిందీ మన దేశ భాష. మరి ఆంగ్ల భాష? (5,2)
7. బ్రహ్మ కోసం నలువది రోజులు తపస్సు చేస్తే చాలా? (3)
9. మాతా శిశు సంక్షేమం కొరకు ఏర్పరచిన కేంద్రము. (6)
10. సత్యశీలత వంటిదే!(5)
11.నడుమ ఉత్వంలోపించిన సస్య విశేషము.(3)
14. ఓ తాతా నీవు ఈ వాహనము కలిగినవాడవు.(7)
15. ఎండ్రకాయ దాక్కొన్న దిరిసెన చెట్టు.(4)
16.న్యూయార్క్ నగరంలోని దర్శనీయ కట్టడం.(3,3)
నిలువు:
1. బొలీవియా విముక్తి పోరాటంలో మరణించిన గెరిల్లా పోరాట యోధుడు మన చేకూరి వారిని అక్కున చేర్చుకున్నారా?(4)
2. కంటకవల్లరులు.(5)
4. మన రాజకీయనాయకులు పెక్కురిలో ఇది లోపించినది.(6)
5. ప్రబంధాలలో ప్రకృతి వర్ణనలతో పాటు  చీకట్లో కాంతిరేఖలు కూడా చూపించిన ఆదర్శ రచయిత.(3,4)
6. అభిదాన రత్నమాల - తెనుఁగర్థముగల సంస్కృత నిఘంటువు. దీనికి మరియొక పేరు. (3,4)
7. మధ్య.(3)  
8. వనవాసములో సంభవం.(3)
9.కొలిమియో కుంపటియో ఏదో ఒకటి.(6)  
12. నవాబు గారి కొత్త భవంతి.(2,3)
13. ఆరుద్ర కవిత్వంతో మేవా(ముస్లిం ఎంప్లాయీస్ వెల్‌ఫేర్ అసోసియేషన్)కు పని యేమిటి?(4)

9 కామెంట్‌లు:

అజ్ఞాత చెప్పారు...

దయచేసి ప్రతి ఆధారం పక్కన సమాధానం ఎన్ని అక్షరాలో వేయండి.

jaggampeta చెప్పారు...

నవ్య వసంతం మీ కుటుంబంలో నూతన కాంతులు నింపాలని కోరుకుంటూ ....మల్లిశ్రీ

భమిడిపాటి సూర్యలక్ష్మి చెప్పారు...

ఈసారి చాలా కష్టంగా వుందో లేక నా బుర్ర పదును తగ్గిందో తెలీదు. మరీ బొత్తిగా రెండొ , మూడొ వచ్చాయి. అయినా రాస్తున్నాను.

అడ్డము; 5) పరాయిదేశభాష, 7) నలువ, 9) అంగనవాడి, 10) సత్ప్రవర్తన, 14) హంసవాహానుడవు,15) కర్కటము.
నిలువు: 1) చేగువేరా,7) నడిమ, 8) వసము, 9) అంగారధానిక,13) త్వమేహము

చదువరి చెప్పారు...

1. చేతనావర్తము
3. కారవాను
5. అంతర్జాతీయభాష
7.
9. అంగనవాడి
10. సత్యనిరతి
11. మినము
14. హంసవాహనుడవు
15.
16. లిబర్టీ విగ్రహం

నిలువు:
1. చేగువేరా
2. ముళ్ళతీగలు
4.
5. అంతటి నరసింహం
6. షడ్రస నిఘంటువు
7. నడిమి
8.
9.
12. నయాహవేలి
13. త్వమేవాహం

mmkodihalli చెప్పారు...

సూర్యలక్ష్మి గారూ మీ బుర్ర పదును ఏమీ తగ్గలేదండీ :-) మీరు వ్రాసిన 11లో ఆరు సరియైన సమాధానాలే!

చదువరి గారూ అడ్డం 3, 10 తప్ప మిగితావి అన్నీ కరెక్టుగా వ్రాశారు సార్. మిగిలినవి కూడా ట్రై చేయండి.

mmkodihalli చెప్పారు...

సూర్యలక్ష్మిగారు, చదువరి గారు పంపగా మిగిలిన నాలుగు ఆధారాలకు సమాధానాన్ని ఎవరైనా చెప్పగలరేమో చూద్దాము. ఆ తరువాత వివరణతో కూడిన సమాధానం ఇవ్వగలను.

భమిడిపాటి సూర్యలక్ష్మి చెప్పారు...

మరోసారి ప్రయత్నం,
అడ్డం: 3) కామగారా, 10) సత్యనిష్ఠత, 15) కళింగము.

mmkodihalli చెప్పారు...

సూర్యలక్ష్మి గారూ సత్యనిష్ఠత కరెక్టండి. మిగితా మూడూ అడ్డం 3,15 నిలువు 4 ఈరోజు సాయంత్రం లోగా కనుక్కోండి చూద్దాం.

జ్యోతి చెప్పారు...

అడ్డం: 3.బారాకాసు,15.కర్కరము?