తెలుగు ధీర యుక్తి, ధిషణ శక్తి
ఒక్క రూపమందె ఉద్దీపనము చెంద
’కృష్ణ రాయ’డగుచు కీర్తి నొందె !
కత్తి కలమ్ముగా సమర కావ్యమునన్ రుధిరాక్షరంబులన్
విత్తగ ’కృష్ణ రానృపుడు’, విక్రమ గీతులు పొంగె ! ఆతడే
మెత్తని పాళి గల్గు కలమే ఝళిపింపగ కత్తిగాన్, సిరా
హత్తుకొనన్, సుకావ్యమె మహా రస యుద్ధము నాయె వింతగాన్ !
రాజ సూర్యుడు, కవిరాజునున్ రెండయి -
తెలుగు రాజ్య రమకు దీప్తి గలుగ -
దిద్దె వీర రక్త తిలక మామె నుదుట !
అద్దె కవన మధువు నామె నోట !
అష్ట దిగ్గజాల్ మోయగా, ఆంధ్ర సాహి
తీ ప్రబంధ మండిత మహా దివ్య ’భువన
విజయ’ విస్తృత విఖ్యాత విశ్వ మకుట
ధారి - సర్వజ్ఞ శేషాహి తానె యయ్యె !
పలుకది యున్నంత వరకు -
తెలుగది యున్నంత వరకు - దేదీప్యముగాన్
వెలుగది యున్నంత వరకు -
నిలుచును శ్రీకృష్ణరాయ నృప ! నీ యశమున్ !
- ’పద్య కళా ప్రవీణ’ డా. ఆచార్య ఫణీంద్ర
2 కామెంట్‌లు:
meedi kavithala book okaTi konnanu anDi chala bagumdi, nice one
హను గారు !
మీరు వ్రాసింది నాకా ? లేక
కోడీహళ్లి మురళీమోహన్ గారికా ?
ఒక వేళ మీరు కొన్నది నా కవితల గ్రంథమైతే, దాని పేరు చెప్పండి.
ఆనందిస్తాను.
కామెంట్‌ను పోస్ట్ చేయండి