కంబాలఁ జెక్కిన ఖ్యాత నగరి
ఏడొక్క దిగ్గజా లేడాది పొడగున
భువన విజయమేగు భూష నగరి
మూరు రాయరగండ మూర్ధన్య రత్నమౌ
వికటఁపు వీథుల విశ్రుత పురి
ఏడు ప్రాకారము లేర్పడఁ గట్టిన
ప్రాంచద్భవనముల ప్రాకట పురి
ఆ.వె|| ఎలమి మాధవుడిల యేర్పడఁ జూపిన,
శశకములల చెలఁగి సారమేయ
ములనుఁ దరిమి కొట్టు నేలఁ వెలసినట్టి
అలఁరు కృష్ణరాయు హంపి నగరి.
ఉ|| కాసుల పేరులెన్నిటినొ - గాదిలిఁ గూర్చియు శ్రీనివాసుకున్,
దోసిలి నొగ్గి నో సుమవ - ధూటిని విష్ణువు కిచ్చినాడవో,
భాసురమొప్ప హంపినల - ప్రాణములిచ్చితో రాలకున్, ధరా
భాసిత భూవరా! జ్వలిత - భాస్కర శోభిత కీర్తి నీదయా!
చం|| స్తుతమతి యైన ఆంధ్రకవి - ధూర్జటి పల్కుల కేలగల్గెనో
అతులిత మాధురీ మహిమ! - హంపి విరాజిత, రాజరాజుకున్
ప్రతిపదమైనయట్టి మహ - రాజగు శ్రీనిధి కృష్ణరాయనిన్
అతిశయ ప్రాపువంబొ?కవి - హంసల తోడగు కావ్యగోష్టులో?
- రవి
1 కామెంట్:
అద్భుతమండీ
కామెంట్ను పోస్ట్ చేయండి